Guritku Kanggo Ndika Biyung


Guritku Kanggo Ndika Biyung

Saben awan ndrandhang,

aku bisa ngrentengi lintang

ing mangsa rendheng,

aku bisa mbendung udan timbreng

numpak jet reformasi,

aku bisa ngukur jagad winadi

Nanging Biyung,

apa aku bisa ngukur tresnamu,

kang kadya banyu windu,

rasane mak”nyeeesss” nyiram jiwa ragaku

Biyung,

saiki balungmu wis ora atos,

kepangan metos

cahyamu wis ora sumunar,

ambyar katut iline lahar

Biyung,

nanging idumu, obahe lathimu,

isih kebak japamantra,

kang dak bundheli tekan pati

dak enggo sangu mecaki jagad winadi

Biyung,

ana ngarsamu aku kaya wong gemblung,

thela-thelo kaya enthung

Nanging, aku isih duwe gurit

gurit lungit siningit

ya mung kuwi kang dak caosake ndika,

minangka bekti asih kawulaaaa…….

(Mbah Brintik)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s