Ibu Pertiwi Dhuhkita


Ibu Pertiwi Dhuhkita

 

Bumi gonjang-ganjing, luh temetes nelesi bantala

Mendhung angendanu hanutup sumilaking mega

Ibu pertiwi nandhang papa dhuhkita,

Merga bebaya nempuh saindenging Nuswantara

Banjur…..

Iki salahe sapa…..?

Wasior ing bang wetan

Banjir bandhang, kang sinandang

Bandha donya kerut, nyawa pada katut

Merga alase entek kebabat manungsa kang angkara

Mentawai lindhu gedhe

Kesusul tsunami kang nambah gawe

Ombak gumulung nggiles bumi sak kiwo tengene

Ibu susahe kang dadi korbane

Salang tunjang mburu slamete dhewe

Sanak sedulur ilang ora ketemu larine

Sauntara iku…….

Merapi, ora gelem keri

Ngutahake wedhus gembel kang medeni

Ewon nyawa padha ngungsi

Mbah Maridjan sang juru kunci

Dadi kurban, ndepani bumi…

Dhuh Gusti Kang Maha Wikan

Menika pepeling menapa ukuman…..?

Geneya, Indonesia dados negari kang tansah nandhang ujian

Napa sampun garis pesthi paduka…..?

Utawi mergi polah tingkahe para manungsa

Engkang sampun dhamel risak ing lumahing bawana ?

Njalari Ibu Pertiwi tansah nandhang Dhuhkita.

 

 Nn – Gunungkidhul, 20 Oktober 2010

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s