Ing Latarku, Ing Latar-Mu


Ing Latarku, Ing Latar-Mu

 

ing latarku kang rada amba

dak tanduri wit pelem lan pethetan liyane

ing jaba pager ana wit sana

ngeyubi dalan, ngeyubi bakul-nakul kang kepanasan

esok sore dak saponi dadi resik gemrining

sisihanku nggodha – lho, godhonge kari –

aku mesem – iku bageyane panjenangan –

lha ika, got kang kebek godhong ika –

iku uga bageyane panjenengan – wangsulanku karo ngguyu ing latarku kang resik,

ing latarku kang endhum

katresnanku ngrembuyung

ing latar-Mu kang amba

ana ati loro gegandhengan

mecaki dina-dina kang kebak kanugrahan

bungah lan susah gilir gumanti – ananging –

katresnanku kang ngrembuyung

pranyata ora bisa nyandhet kersa-Mu

nalika dheweke kok-timbali kanggo salawase

aku pasrah lan nyoba ngeklasake

-sanajan abot banget-

Lan nalika aku nyapu dhewekan

Ing latarku kang rada amba

Bakul-bakul kang nunut ngeyub takon kang ora ana

Aku mangsuli kanthi prasaja – yen kita iki

Mung saderma nglakoni kang wis ginaris –

Ing latar-Mu kang amba

Dak tandhaake tangan lan atiku

Angantu Rahmat-Mu, Robbi

Paringana kekuatan mecaki dina kang sepi

Muga ora sepi saka Asih-Mu

Muga ora sepi saka Nikmat-Mu

Muga ora sepi saka adheming Asta-Mu

(Sri Setya Rahayu)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s